"शौचालय बांधा घरोघरी"सदर ही कवीता माझी आहे

30/10/2016 रोजी लिहली गेलेली *शौचालय बांधा घरोघरी* ही माझी कवीता सोलापूर जिल्ह्यातील सांगोला तालूक्यातील जुनोनी गावातील गावचे उपसरपंच अरविंदजी पाटील यांच्या नावाने फिरते आहे. काही ठिकाणी निनावी फिरते आहे. ही सदर माझी कवीता Satyawankamble.Blogspot com या लिंकवर रजिस्टर आहे.तुम्हाला अशा प्रकारे कवीता आढळली तर ही कवीता *वेडा कवी सत्यवान कांबळे* यांची आहे अशी धडकावून सांगा.
              साहेब सरपंच आणी उपसरपंच यांना गावातील प्रथम नागरिक म्हणून ओळखले जाते.तुम्हीच लोकांनी अशा प्रकारे क्रत्य केल्यास आपलं गाव कधी हागणदारी मुक्त होणार.आणी आपल्या भारताचे पंतप्रधान नरेंद्र मोदी यांचा स्वच्छ भारत सुंदर भारत हा कानमंत्र जगाच्या पाठीवर कधी नेऊन ठेवणार.
पुराव्या साठी कवितेचा blog id

http://satyawankamble.blogspot.in/2016/10/blog-post_30.html?m=1

चारोळी:19

तु दिसली की
मन भरभरून यायचं
तु नाही दिसली की
मग कळीज चारंऽऽऽऽऽ करायचं
                  
        वेडा कवी
    सत्यवान कांबळे

चारोळी:18

मुलगा हा वंशाचा दिवा जरी असला
मुलगी त्या दिव्याची वात असते
मुलगा घराचा वंश वाढवतो
मुलगी नवे घर बसवते
    
       वेडा कवी
  सत्यवान कांबळे

चारोळी:17

मी फक्त कवीता
करण्यासाठीच वेडा आहे
अन सखे यात
तुझा ही सहभाग थोडा आहे.
       
        वेडा कवी
    सत्यवान कांबळे

चारोळी:16

पणती आहेस तू
पणती सारखीच वाग
जास्त तापलीस तर
होतील तुझे चार भाग

      वेडा कवी
  सत्यवान कांबळे
मो.नं:-8600243781

 

शौचालय बांधा घरोघरी

*शौचालय बांधा घरोघरी*
➖➖➖➖➖➖➖➖➖➖
*या कवीतेतून कवी सर्वांना  शौचालय बांधा घरोघरी आरोग्य नांदेल तुमच्या दारोदारी  असा  लाख मोलाचा टिकात्मक संदेश देतो.*

सगळ्यांनी मिळून
निर्धार करू
आपला देश
हागणदारी मुक्त करू

नरेंद्र मोदी यांचा 
स्वच्छ भारत 
सूंदर भारत 
हा कानमंत्र
जगाच्या पाठीवर नेऊन ठेवू

सगळ्यांना सांगत फिरतोस 
माझी बायको लयऽऽऽऽऽ भारी 
पण मर्दा 
शौचालय नाही रं तुझ्या दारी

मेव्हणी आली की;
तिला आणतोस चांगला आहेर 
पण तुझी बायको जाते 
शौचालयास बाहेर

जीवण जगताना  
मोठमोठ्या गोष्टींची करतोस आशा 
घरी शौचालय बांधायची
कधीच करीत नाहीस तू भाषा

राहायला माडी 
पोराला गाडी 
बायकोला साडी 
दररोज वापरायला नाही 
शौचालय घरोघरी

म्हणून मी सांगतो;
शौचालय बांधा घरोगरी
आरोग्य नांदेल
आपल्या दारोदारी

आता मी मनाला;
पक्का निर्धार घेणार 
माझं गाव हगणदारी मुक्त होणार
आणी माझा देश 
जगात नावा रूपाला येणार.
             🌹🌹🌹
               *वेडा कवी*
           *सत्यवान कांबळे*
      तारीख:-30/10/2016 
      मो.नं:-8600243781 
मु.पो.रड्डे ता.मंगळवेढा जि.सोलापूर
  ही कवीता खालील लिंकवर रजिस्टर केली आहे. आवडली तर कवीच्या नावासहीत पुढे पाठवा.
➖➖➖➖➖➖➖➖➖➖
http://satyawankamble.blogspot.com/2016/10/blog-post_30.html

तू आणि मी

*तू आणि मी*
➖➖➖➖➖➖➖➖➖➖
तू आणि मी
एकाच वर्गात शिकायचो ...
तू मला खूप आवडायची 
म्हणुन मी मागे बसायचो...

सारखं तुझ्याच नावाचं वादळ
माझ्या मनात फिरायचं
माझं तुझ्यावर प्रेम आहे 
असं तुला विचारावं वाटायचं...

पण तुला असं विचारायचं 
मला कधीच धाडस नाही झालं 
कारण मला खूप भीती वाटायची...

एक दिवस मी तुला 
धाडस करून विचारलं 
माझं तुझ्यावर प्रेम आहे...

त्यावेळेस तू मला 
विचार करून सांगेन
असं बोलली होतीस...

चार दिवस मी 
तुझ्याच गुगींत वावरत होतो
आणि तू मला एक दिवस
माझ्या प्रेमाला होकार दिला...

दोघांनी एकमेकांवर
जिवापाड प्रेम केलं
पण आपल्या गोड प्रेमाला 
नियतीने नाही हेरलं...

तूझी आणि माझी 
एक ना एक दिवस 
ताटातुट होणार आणि
तू मला कायमची सोडुन जाणार 
हे मला नक्की माहीत होतं 
तरी पण माझं वेडं मन 
तुझ्यावर प्रेम करायचं
आणि शेवटी तू मला 
सोडून गेलीस...

माझी शेवटची एकच इच्छा होती 
तुला भरल्या डोळ्यांनी बघावं 
मन मोकळ्या गप्पा माराव्या 
पण तू मला सोडून गेलीस 
आणि माझी शेवटची इच्छा अधुरी राहिली.
              🌹🌹🌹
                *वेडा कवी*
            *सत्यवान कांबळे*
         मो.नं:-8600243781 
   मु.पो.रड्डे ता.मंगळवेढा जि.सोलापूर
ही कविता खालील लिंकवर  रजिस्टर केली आहे. आवडली तर कवीच्या नावासहित पुढे पाठवून वरील नंबरवर फोन करून बोलूही शकता.
➖➖➖➖➖➖➖➖➖➖
http://satyawankamble.blogspot.com/2016/10/blog-post_70.html

आली आली दिवाळी

आली आली दिवाळी
🎇🎆🌅🌄🌌🌃
➖➖➖➖➖➖➖➖➖➖
आली आली दिवाळी
चला करूया तिची तयारी
चिंगी आली
मंगी आली 
तंगी आली 
पिंटी आली 🎇🎆🌅
बंटी आली ।।

चिंगीने चिवडा केला 
मंगीने शंकरपाळे केले 
तंगीने जिलेबी केल्या 
पिंटीने लाडू केले🎇🎆🌅
बंटीने कंरज्या केल्या 
दादाने किल्ला बनवला ।।

आली आली दिवाळी
सगळ्यांनी मिळून 
फटाके उडवूया 🎇🎆🌅
दिवस मौज-मजेत घालवूया ।।

दिवाळीचा सन म्हणजे;
आमच्या आवडीचा सन  ।।

घरी आत्या आली,
मावशी आली,
ताई आली,
मामी आली,
काकी आली 🎇🎆🌅
आमची दिवाळी 
मौज-मजेत झाली ।।
       
       वेडा कवी
  सत्यवान कांबळे
मो.नं:-8600243781 
मु.पो.रड्डे ता. मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पुढे पाठवा.
➖➖➖➖➖➖➖➖➖➖
http://satyawankamble.blogspot.com/2016/10/blog-post_27.html

तुझी आजही मला आठवण येते

आपण दररोज काॅलेजला यायचो
तु माझ्याकडे बघायची
मी तुझ्याकडे बघायचो
शेवटी तु मला सोडून गेलीस
तुझी आजही मला आठवण येते

काॅलेज भरलं की,
तु तुझ्या बॅचवर बसायची
मी माझ्या बॅचवर बसून
तुझं नाव टाकत बसायचो
शेवटी तु मला सोडून गेलीस
तुझी आजही मला आठवण येते

सरांनी विचारलेल्या प्रश्नाला
दोघं पण ओढाचढीने उत्तर द्यायचो
बाकीचे मुलं-मुली आपल्याकडे बगायची
शेवटी तु मला सोडून गेलीस
तुझी आजही मला आठवण येते

आपण असताना;
काॅलेज कट्टा खूप गाजायचा
आज गाजतोय का नाही
ते मला माहीत नाही

पुन्हा एकदा काॅलेजकडं जावसं वाटतय
खूप मौज मज्जा करावसं वाटतय
पण त्या ठिकाणी तु नाहीस
शेवटी तु मला सोडून गेलीस
तुझी आजही मला आठवण येते

काॅलेजमध्ये असताना खूप मज्जा यायची
सगळीजन मिळून कॅटीनला जायचो
मी बील देत असतांना तु माझ्याकडे बगायची
शेवटी तु मला सोडून गेलीस
तूझी आजही मला आठवण येते.

             वेडा कवी
        सत्यवान कांबळे
    तारीख:-24/10/2016
     मो.नं:-8600243781
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पुढे पाठवा.

माझा बा आणी बा आंबेडकर

*माझा बा आणी बा आंबेडकर*
➖➖➖➖➖➖➖➖➖➖➖
दिसभर काम करून 
बा थकला हुता 
काम-काम म्हणून
वैतागला हुता...

म्या;
साळा सुटल्यावर घरी  गिलू 
पेपर असल्यामुळं मास्तरनी 
पेपराची फी मागीतली हूती.

म्या आबाला म्हणालू,
आबा;
मास्तरनी 2 रूपये 
पेपराची फी मागीतलीय...

आबा म्हणाला,
आरं पोरा 
आता पैसं नाहिती
पुन्हा दितू म्हणून 
सांग मास्तरला...

आबा घासभर खाऊन
हातरूणावर तिथच लवंढला

म्या मात्र,
रातभर इचार करत हुतू 
पेपरची फी नाही दिली तर 
मास्तर आपल्याला साळतनं
हाकलून देणार हाय...

पाट-पाटं;
बा कुणकूणत हुता
दिसभर काम करून
तापानं फनफनत हुता...

म्या मात्र सकाळी उठून
पेपरची फी न मागता 
तसच साळला गिलू
साळत मास्तरनी पेपराची फी 
नाही दिली म्हणून
साळच्या बाहेर हाकललं...

मास्तरनी बाहेर हाकलल्यावर
त्या दिशी बाहेर बसून 
दिसभर साळा शिकली 
त्यावेळेस मला 
बाबासाहेब आंबेडकर नावाच्या
बा ची आठवण आली...

माझ्या बा नं 
साळच्या बाहेर बसून साळा शिकली 
आणी जगाची राज्यघटना लिहली
बाहेर बसून शिकलेल्या साळवर
आज देशाची राज्यघटना चालतेय
त्या बा ला इसरून कसं चालणार.
             
            वेडा कवी
        सत्यवान कांबळे
  मो.नं:-8600243781 
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहित पुढे पाठवा.
➖➖➖➖➖➖➖➖➖➖➖ https://satyawankamble.blogspot.com/2016/10/blog-post_17.html

माणसं आणी कणसं

ही कवीता नक्कीच काॅलेजच्या मुलांना आवडणार.
---------------------------------
शेतातल्या रान माळाची पाखरं
दिस मावळताना
उडाणटक्या करित
घरट्याकडे परतत होती.

सुगीची कामं उरकून
माय बा
टकूर्यावर कणसं घेऊन
घराकडे परतत होती.

पाखरांचा चिवचिवाट सुरू झाला
ढंगाचा गडगडाट सुरू झाला
विजाचा कडकडाट सुरू झाला
पावसाचा वर्षाव सुरू झाला.

कडब्याचा चिधांडा झाला
कणसाची नासाडी झाली
सरकार काय डोकावून बगेना
माझ्या माय बा चं
आठरा-विश्व दारिद्रय हटता हटेना.

कणसाचा वास उठला
झाडावरच्या पाखरांचा थवा उठला
माणसाची धावपळ उठली
गोठ्यातली जनावरं उपासमारीनं उठली.

त्यावेळची माणसं
आत्ताची ज्वारीची कणसं
ही ज्वारीची कणसं
बाजरीच्या कणसाला जाऊन भिडू लागली
मग बाजरीचं कणीस पण
हळूहळू डुलु लागलं.

डुलता-डुलता कलियुगातल्या,
दोन्ही कणसांचा सहवास वाढला
सहवासाचं रूपांतर
आगळ वेगळं बोलण्यात झालं
आगळ वेगळं बोलण्याचं रूपांतर प्रेमात झाल.

बोलता-बोलता;
आयुष्याचं भान हरपून गेली
आयुष्याची भाकर करपून गेली
आयुष्याला वेगळं वळण लावून गेली
कलियुगातल्या काॅलेजची कणसं
समाजाला सोडून गेली.

जाता-जाता
आयुष्याला वेड लावून गेली
आयुष्याला हुरहूर लावून गेली
चार-चौघांचे मने जिकून गेली.
       
        वेडा कवी
     सत्यवान कांबळे
तारीख:-15/10/2026
मो.नं:-8600243781
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पुढे पाठवा.

प्रेमाच्या जोड्या

     प्रेमाच्या जोड्या
➖➖➖➖➖➖➖➖➖➖➖
ही कवीता नककीच
शाळेच्या मुलांना आवडणार 
➖➖➖➖➖➖➖➖➖➖➖
रविवारची सुट्टी हुती 
आबा मला म्हणाला 
आरं पोरा मळ्यात
बाजरी आलिया काढायला 
चल जाऊ बाजरी काढायला...

मी म्हणालो आबाला,
आबा मी कधीच काम नाही केल 
माझ्या हाताला फोडं येत्याली...

आबा मला म्हणाला,
आर पोरा असू दी चल 
असं म्हणून आबा आणी माय 
मळ्यात निघून गेले...

मी मात्र;
उशिरना मळ्यात निघालू 
जाता-जाता शेजारच्या तात्याचं शात लागलं 
तात्यानं आपल्या शेतात 
भुईमुगाच्या शेंगा पेरल्या हुत्या 
मनात आलं चार याल उपसावं
आणी खात-खात आबाकडं जावं...

म्या बी;
भीत-भीत चार याल उपासलं 
आणी तात्याच्या बांधालाच खात बसलू
माझी नजर तात्याच्या बांधाला
असलेल्या केकताडीकडं गिली...

त्या केकताडीवर गावातल्या पोरांनी,
लव चिन काढून
आपापल्या जोडया टाकल्या हूत्या
मला मात्र त्या दिशी सगळ्यांची नावं दिसली 
मी सगळ्यांची नावं वाचली
त्या दिशी मला कळालं 
कुणाचं कूणासंग हाय...

मला मनातल्या मनात वाटलं 
लेका लेका लेका लेका लेका 
अशी नावं टाकायला 
ह्यानां भिती वाटत नशील का?

पुन्हा माझ्या मनात इचार आला 
आरं कुणाला भ्यायचाय 
एकमेकावर पिरेम हाय पिरेम...

मला बी वाटलं,
आपलं बी नाव टाकूया 
पुन्हा माझ्या मनात इचार आला 
पर कुणासंग टाकायचं...

पुन्हा माझ्या मनात 
एक येगळाच इचार आला 
त्या गावातल्या
कवी नावाच्या पुरीसंग टाकूया 
कारण कुणाला कळणार नाय 
आपलं बी नाव कवी हाय...

म्या बी तात्याच्या बांधावरून 
तावातावानच उठलू 
केकताडीचा काटा मोडला
लव चिन काढलं
हिकडं एक बाण अन्
तिकडं एक बाण चिन काढलं
एकात कवी अन्
दुसर्यात सत्यवान टाकलं

म्हणून मी कवी सत्यवान
म्हणून मी कवी सत्यवान.
          
          वेडा कवी
      सत्यवान कांबळे
तारीख:-25/03/2015
मो.नं:-8600243781
मु.पो.रड्डे ता.मंगळवेढा जि.सोलापूर
ही कविता खालील लिंकवर रजिस्टर केली आहे.आवडली तर कवीच्या नावासहीत पुढे पाठवा.
➖➖➖➖➖➖➖➖➖➖➖
http://satyawankamble.blogspot.com

आम्ही गावाकडली लेकरं

*Friendship Day निमित्त ही कवीता तुमच्यासमोर सादर करतोय.आज सगळे जुने मित्र-मैत्रिणी मला सोडून गेले पण त्यांच्या आठवणी आजही माझ्या ह्रदयात जपून आहेत.त्या आठवणी मला अशाच जपून ठेवायच्या आहेत.ही कवीता माझ्या सर्व मित्र- मैत्रिणीना समर्पित करतोय.*

*आम्ही गावाकडली लेकरं*
➖➖➖➖➖➖➖➖➖➖
*आम्ही गावाकडली लेकरं*
आम्हाला आमची मायभूमीच प्यारी 
आम्हाला मातीत खेळायलाच आवडायचं 
आणी तो भातूकलीचा खेळ 
वेगळ्याच गोष्टीत रंगायचा

*आम्ही गावाकडली लेकरं*
आमची आज्जी आम्हाला
चिऊ आणी काऊची गोष्ट सांगायची
ती गोष्ट आम्ही कुतूहलाने ऐकायचो 
चिऊ आणी काऊ आमच्या
शेतात ज्वारीची दाणं खायची

*आम्ही गावाकडली लेकरं*
माझा बाप त्या बळीराजा बरोबर
शेतामध्ये राब राब राबायचा
त्या कष्टाळलेल्या घामाचा 
सुंगधच न्यारा असायचा

संध्याकाळी,
माय भाकर केल्यावर 
आम्ही मिळून जेवायचो
जेवता-जेवता माय बा 
हळूच कुजबूजू लागली
आता आपण पोराला शाळेत धाडूया

जसं पावसाळ्याच्या दिसात 
आभाळ धाडsssss करावं 
तसं ते बोलणं ऐकून 
माझं काळीज धाडंsssss केलं

माझ्या माय बा नं 
सगळी स्वप्नं उराशी बाळगून 
मला शाळेत धाडलं 
आणी मी शाळेत जाऊ लागलो

जशी फाटकी कापडं 
सुई-दोरीनं शिवावं 
तसी मी आयुष्याची 
एक-एक स्वप्ने मी शिवू लागलो

आयुष्याची स्वप्ने शिवता-शिवता 
कवी मनाची भाषण करण्याची
स्वप्ने मला पडू लागली 
ती सगळी स्वप्ने ऊराशी बाळगून 
मी कवी मनाची भाषणं करू लागलो

कवी मनाची
भाषणं करता-करता 
कलीयुगातल्या काॅलेजच्या तरूणाईचे
मने मी जिकूं लागलो

*आम्ही गावाकडली लेकरं*
आम्हाला आमची मायभूमीच प्यारी 
आम्हाला मातीत खेळायलाच आवडायचं
आणी तो भातूकलीचा खेळ
वेगळ्याच गोष्टीत रंगायचा

शाळेमूळं मित्रत्वाच्या पाखरांची
चागंलीच ओळख झाली
मित्राच्या प्रेमात बिलगललेली पाखरं 
जुनं शिक्षणाचं घरटं सोडून 
नवीन शिक्षणाच्या घरट्याकडे जाताना
एकमेकाच्या डोळ्यात दु:खाचा महापूर आला

दु:खाचा महापूर,
सगळ्यांनी हुदक्यानी फोडला 
महापुराचा हुंदका फोडून 
आयुष्याची शिदोरी गुंफण्यासाठी

*एकमेकापासून दूर निघून गेले*
*एकमेकापासून दूर निघून गेले.*
         🌹🌹🌹
           *वेडा कवी*
      *सत्यवान कांबळे*
  मो.नं:-8600243781
तारीख:-11/10/2016 
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पुडे पाठवा.
➖➖➖➖➖➖➖➖➖➖
http://satyawankamble.blogspot.com/2016/10/blog-post_10.html

चारोळी:15

तूला काय वाटतं गं
मी तूझ्याकडे बघतोय
मी तुझ्याकडे नाही तर
तूझ्यातल्या मी माझ्याकडे बगतोय

        वेडा कवी
    सत्यवान कांबळे

आयुष्याच्या वळणावर

➖➖➖➖➖➖➖➖➖
आयुष्याच्या वळणावर
➖➖➖➖➖➖➖➖➖
जीवन खूप सुंदर आहे
ते आंनदाने जग
प्रेमाने जग
हळव्या मनाने जग...

जगता-जगता
कोणाच्या हृदयात
आयुष्याचं घर करून
राहता येतयं का बग...

जीवन म्हणजे,
लहान बाळाची खेळणी,
नवरा बायकोचा संसार
आयुष्याचा सुंदर रथ...

तुझं लाख मोलाचं प्रेम
कोणाला देता येतय का बग
घेता येतय का बग
प्रेमाने जग जिंकता येतय का बग...

आपलं प्रेम बहरत असतानाच
मी दु:खी अंतकरणाने
शेवटी तुझा निरोप घेतला...

त्या वेळेस तु मला बघुन
दिवसभर रडली होतीस 
रडता-रडता
मला दुःखी अंतकरणाने
बोलुन गेली होतीस...

आयुष्याला सांभाळ
विचारांना सांभाळ
तुझ्या या हळव्या मनाला
कधीच त्रास करून घेऊ नकोस

आपल्या काॅलेजच्या ग्रुप मधला फोटो
तुझ्या घरामध्ये लावून घे
कारण घरातून बाहेर येता जाता
मी तुला नक्कीच त्या फोटोमध्ये दिसेन...

या जन्मी मी तुझी
नाही होऊ शकले
पुढच्या जन्मी 
नक्कीच मी तूझी होईन
असं म्हणून तू
माझा निरोप घेतलास...

ज्या ठिकाणी तू मला
पहिल्यांदा भेटलीस
त्याच जुन्या वळणावरती
आज मी हातामध्ये गुलाबाचं
फुल घेऊन उभा आहे...

कारण,
तू मला
कोणत्या ना कोणत्या
रूपाने भेटशील
याच आशेने मी उभा आहे...

पण त्या ठिकाणी
तु मला कधीच दिसत नाहीस
त्या प्रेमाच्या जुन्या वळणावरती
मला एक वेगळच
रोज नवीन जोडपं दिसतं...

त्यावेळेस माझ्या तोंडातून
शब्द फुटेनासे होतात
मग मी तुझा
विचार करत घरी येत असताना
वाटेमध्ये मला एक
वेगळाच प्रश्न पडतो...

ती कुठे गेली?
मी कुठे गेलो?
माझं हळवं मन कुठे गेलं?
तिच्या आयुष्याला वेड लावणारे
माझे विचार कुठे गेले?

हा सगळा विचार
करत असताना
घर कधी येतय
हे माझं मलाच कळत नाही...

शेवटी मी तुला एवढेच म्हणेन
आयुष्याच्या नव्या वळणावर
तु जात असताना
जुन्या वळणावरच्या
गावाकडल्या मातीतल्या
तुझ्या त्या हळव्या मनाच्या मित्राला
कधी सुध्दा विसरू नकोस...

दिल्या घरी तू सूखी रहा
दिल्या घरी तू सूखी रहा.
          
          वेडा कवी
      सत्यवान कांबळे
   मो.नं:-8600243781
तारीख:-05/10/2016
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पुढे पाठवा.
➖➖➖➖➖➖➖➖➖
http://satyawankamble.blogspot.com/2016/10/blog-post_19.html
➖➖➖➖➖➖➖➖➖

प्रिये

*प्रिये*
➖➖➖➖➖➖➖➖➖➖
*(प्रियकराला आपली प्रियशी सोडून जात असताना प्रियकराच्या तोडांतून बाहेर पडलेले शब्द मी तुमच्या समोर मांडतोय)*

मला सोडून 
जाऊ नकोस ग जानू 
तु तर आहेस 
या मल्हाराची बानू

तुझं आणी माझं
नातं किती जवळचं
आणी त्या नात्याला 
एवढं दूर का ठेवायचं

जीवणाच्या प्रत्येक वळणावर
मला अनेक जण भेटतील 
पण तुझ्या सारखी
कधीच नाही भेटणार

दूर जगाच्या पल्याड जाऊन 
आपण दोघानी प्रेम केलं 
त्या आपल्या प्रेमाला 
समाजानी नाही हेरलं

आपलं गोड जीवाचं नातं 
किती थाटामाटात उभारलं
त्याला मध्येच असं 
वेड्यावाणी का मोडायचं

मोडायचं असेल तर मोड
तोडायचं असेल तर तोड 
पण तुझ्या गोड जीवाला 
आणी माझ्या हळव्या मनाला 
आवरून आणी सावरून.
         🌹🌹🌹
           *वेडा कवी*
      *सत्यवान कांबळे*
मो.नं:-8600243781 
तारीख:-05/10/2016 
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पुढे पाठवा.
➖➖➖➖➖➖➖➖➖➖
http://satyawankamble.blogspot.com/2016/10/blog-post_5.html

पोरी

*पोरी*
➖➖➖➖➖➖➖➖➖➖➖
*(एका मुलीच्या बापानं आपल्या मुलीला दिलेला एक लाख मोलाचा संदेश आहे आणी तो संदेश मी माझ्या कवितेत मांडण्याचा प्रयत्न करतोय.या वेड्या कवीची कवीता वाचून तुमच्या अंगावरती शहारे आल्याशिवाय राहणार नाहीत.)*

*पोरी,*
तु पुरूष प्रधान संस्कृती
मानल्या जाणाऱ्या
देशात वावरतेय 
हा समाज बावचाळलाय
म्हणुन
तुझ्या या गोड जीवाला जपून रहा.

*पोरी,*
शारीरीक भूकेनं 
भूकेजलेली कुत्री 
या समाजामध्ये वावरत आहेत
म्हणुन
तुझ्या या गोड जीवाला जपून रहा.

*पोरी,*
ही पिसाळलेली कुत्री
तुझ्या अंगावर धावून येतील,
तुझ्या शरीराची लचके तोडतील,
तुझी अब्रू लूटतील,
तुला छिन्न-विच्छन्न करून टाकतील
म्हणुन,
तुझ्या या गोड जीवाला जपून रहा.

*पोरी,*
कोपर्डी व दिल्लीची निर्भया घटना 
तुला माहीत आहे 
त्या दोघींची आर्द किकांळी 
जगाला लाजवेल अशी होती 
त्यामूळे मी तुला सांगतोय 
तुझ्या या गोड जीवाला जपून रहा.

*पोरी,*
हा भारत देश इंग्रजांच्या तावडीतून 
15 आॅगस्ट 1947 साली स्वंतत्र झालाय 
पण तू स्वंतत्र झाली नाहीस.
तु उद्याची एक,
आई आहेस,
बाई आहेस,
ताई आहेस,
पत्नी आहेस
पण त्या आधी
आजची तु
तरूण पोरगी आहेस 
तु आमच्या काळजाचा
तूकडा आहेस 
हे विसरू नकोस.
म्हणुन म्हणतो पोरी
तुझ्या या गोड जीवाला जरा जपून रहा.
               
              *वेडा कवी* 
          *सत्यवान कांबळे*
     मो.नं:-8600243781
   तारीख:-03/10/2016 
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पूडे पाठवा.
👇👇👇👇👇👇👇👇👇👇👇
➖➖➖➖➖➖➖➖➖➖➖
http://satyawankamble.blogspot.com/2016/10/blog-post_52.html

मेघराजा आणी बळीराजा

*मेघराजा आणी बळीराजा*
➖➖➖➖➖➖➖➖➖➖
मेघराजा आणी बळीराजा 
याचं नातं किती जवळचं हाय 
म्हणून तर हे जग
किती सूखकारक हाय

माझा बा त्या बळीराजा बरोबर
शेतामध्ये दिवसभर राबायचा 
म्हणून तर हे जग 
पोटाला पोटभरून अन्न खायचा

चार दिवस झालं 
सूर्य ढगाच्या आड जाऊन
आईच्या खूशी मध्ये 
निवांत झोपला होता

आज ढग मात्र; 
माझ्या बा च्या शेतात 
दिवसभर धो धो रडला होता 
कारण तो जगाचा राजा होता

माझा बा आज 
ढगाच्या रडण्यानं सूखावला 
पण काही दिवसानी आलेलं पीक 
वाया गेलं म्हणून दूखावला

माझ्या
बा चं,
बळीराजाचं आन् 
मेघराजाचं असं नातं हुतं.
           🌹🌹🌹
             *वेडा कवी* 
         *सत्यवान कांबळे*
       मो.नं:-8600243781 
  मु.पो.रड्डे ता.मंगळवेढा जि.सोलापूर 
ही कविता खालील लिंकवर रजिस्टर केली आहे.आवडली तर कवीच्या नावासहीत पूडे पाठवा.
➖➖➖➖➖➖➖➖➖➖
http://satyawankamble.blogspot.com/2016/10/blog-post.html

चारोळी:14

तुला पाहण्यासाठी माझं मन
दिवसभर तुझ्या घरासमोर फिरायचं
तु नाही दिसली की मग
अगदीच वेड्या सारखं करायचं

            वेडा कवी
       सत्यवान कांबळे
   मो.नं:-8600243781