*दारूडा बा*
➖➖➖➖➖➖➖➖➖➖
संध्याकाळी बा घरी
दारू ढोसून यायचा
मायला रातभर
चाबकानं मारायचा
माय मग
गुरागत वरडायची
आम्ही मात्र अडगळीच्या खोलीत
दडून बसायचो
बा आमासणी मारायला आल्यावर
लेकरांना मारू नका
काय मारायचं ते मला मारा
असं रडत-रडत माय
लोंटागण घालायची
बा नशेत
रातभर उभंर्यात पडायचा
दारूचा वासं मग
अत्तरावाणी घुमायचा
सकाळी बा मायला म्हणायचा
कूठं-कूठू लागलं बगू
त्यावेळेस माय
चाबकाचे वण दाखवायची
चाबकाचे वण बगून
बा डोळ्यात पाणी आणायचा
मला माफ कर असं म्हणत
हुंदक्या देऊन म्हणायचा
माय
इस्कटलेली केसं
वर सरकावत
सौभाग्याचं कुंकू लावून
नव्या उमेदीनं
कामाला लागायची.
🌹🌹🌹
*वेडा कवी*
*सत्यवान कांबळे*
तारीख:-18/12/2016
मु.पो.रड्डे ता.मंगळवेढा जि.सोलापूर
ही कवीता खालील लिंकवर रजिस्टर केली आहे.आवडली तर कवीच्या नावासहीत पुढे पाठवा.
➖➖➖➖➖➖➖➖➖➖
http://satyawankamble.blogspot.com/2016/12/blog-post_18.html
No comments:
Post a Comment